Եղանակն՝ այսօր
Ֆինն գիտնականներին հաջողվել է ձայնագրել հյուսիսափայլի «ձայնը»
Իր գեղեցկությամբ ապշեցնող հյուսիսափայլն ունի ոչ միայն օպտիկական ազդեցություն, այլ նաև ձայնային, ապացուցել են Հելսինկիի Աալտո համալսարանի գիտնականները:
Ինչպես հաղորդում է «ԻՏԱՌ-ՏԱՍՍ» գործակալությունը, աշխարհում առաջին անգամ նրանց հաջողվել է լսել ու ձայնագրել բևեռային լայնություններում այս երկնային երևույթին ուղեկցող ձայները:
«Մեզ հաջողվեց որսալ հյուսիսափայլի ձայները: Միայն հիմա է հաստատվել, որ այդ ձայները ծնվում են 70 մետր բարձրության վրա, որոնք մարդը կարող է լսել»,- այսօր հրավիրած ասուլիսում հայտնել են գիտնականները:
Հատուկ բարձրախոսների օգնությամբ գիտնականներին հաջողվել է ոչ միայն որսալ հյուսիսափայլի «ձայնը», այլև ձայնագրել այն: Այժմ յուրաքանչյուր ցանկացող կարող է ծանոթանալ դրան բուհի ինտերնետային էջում: Սա հետազոտողների համար բացել է նոր հնարավորություններ այս յուրօրինակ բնական երևույթի ուսումնասիրման համար, որը շատ հարցերում դեռ շարունակում է գիտության համար գաղտնիք լինել:
Ֆինն մասնագետների կողմից ձայնագրված ձայները ճաքi կամ խլացված հարվածների ձայն են հիշեցնում:
Studio One