ԱՄՆ-ում լուսանկարչական սարքը շոկոլադե լուսանկարներ է թողարկում

Ամերիկյան հրուշակագործները սովորել են «քաղցր» լուսանկարներ տպել: Ֆոտոփոխանակման Instagram ծառայության անհավանական հաջողությունն է, որ նրանց մղել է ստեղծել լուսանկարչական սարք, որը  նկարը արագ փոխադրում է շոկոլադե սալիկի վրա, հաղորդում է «ԻՏԱՐ-ՏԱՍՍ» գործակալությունը:

Սարքը, որը թողարկում է «համեղ» լուսանկարները, ստացել է «Կակաոգրաֆ» (Cаcаograph) անվանումը:



«Սա հիանալի նվեր է ծննդյան օրվա, հարսանիքի կամ այլ ուրախ առիթների համար»,- ասվում է արտադրող ընկերության գովազդում:

Համեղ լուսանկարը փորձել ցանկացողները կարող են ներբեռնել լուսանկարները, կամ ցանկացած պատկեր և ընտրել շոկոլադի տեսակը` սպիտակ, սև կամ կաթնային:

Պատրաստի արտադրանքը նրանց կհասցվի փոստով մի քանի օրվա ընթացքում:

Մեկ լուսանկարը 8,5 ԱՄՆ դոլար արժի, իսկ 3 հատ պատվիրելու դեպքում պետք է վճարել 12 դոլար:

Յուրաքանչյուր «Կակաոգրաֆ» ձեռքի աշխատանքով է պատրաստվում և, ինչպես նշում են ստեղծողները, դա հնարավորություն է տալիս շոկոլադի անզուգական համ և պատկերի հիանալի որակ ստանալ: