Ռուսական տիեզերանավը Երկիր է վերադարձել՝ «ուղևորների» մեծ մասը սատկած

Ռուսական տիեզերանավը, որում եղել է 45 մուկ, 8 ավազամուկ և 15 մողես, վերադարձել է Երկիր, սակայն դրա ուղևորների մեծ մասը սատկած է եղել, հայտնում է arstechnica.com կայքը։

Bion-M տիեզերանավն արձակվել է ընթացիկ տարվա ապրիլին։ Մասնագետները նպատակ են ունեցել ուսումնասիրել, թե ինչպիսի ազդեցություն է ունենում կենդանիների օրգանիզմի վրա երկար ժամանակ անկշռության (невисомость) վիճակում գտնվելը։

Սակայն մեկ ամիս տիեզերքում անցկացնելուց հետո բոլոր տեսակներից ողջ է մնացել ընդամենը մի քանի մուկ ու մողես։ Գիտնականների կարծիքով՝ կենդանիները սատկել են տիեզերքում չափից ավելի երկար ժամանակ գտնվելու սթրեսից, ինչպես նաև տիեզերանավի վրա տեղի ունեցած տեխնիկական խոտանի պատճառով։