Air France-KLM հոլդինգն ինքնաթիռներում WI-FI ծառայություն կտրամադրի

Եվրոպական Air France-KLM հոլդինգը գործարկել է անլար ինտերնետ կապի WI-FI ծառայություն իր երկու Boeing 777-300s ինքնաթիռներում, գրում է Euromag-ը:

Նոր ծառայությունը հնարավորություն կընձեռի ուղևորներին կապ պահպանել աշխարհի հետ թռիչքի ժամանակ. նրանք կարող են տեքստային հաղորդագրություններ և էլեկտրոնային նամակներ ուղարկել, ասվում է ընկերության հայտարարության մեջ:

Երկու ինքնաթիռները չորեքշաբթի թռիչքներ կիրականացնեն տարբեր ուղղություններով: Wi-Fi կապից կարող են օգտվել բոլոր ուղևորները՝ անկախ կարգից: Ընկերությունը ծառայությունը կմատուցի վճարովի հիմունքներով: