Հսկայական հնագույն մողեսին անվանել են Ջիմ Մորիսոնի պատվին

Մոտ 40 մլն տարի առաջ ապրած հսկայական մողեսն անվանակոչվել է The Doors հանրահայտ խմբի մենակատար Ջիմ Մորիսոնի պատվին, հայտնում է Лента-ն՝ հղում կատարելով Agence France-Presse-ին։

Մողեսի մնացորդները հայտնաբերվել են Մյանմայի հյուսիս-արևմուտքում։

1.8 մ երկարությամբ և 27 կգ-անոց երկկենցաղն անվանակոչվել է Barbaturex morrisoni։ Նեբրասկայի համալսարանի հնագետ Ջեյսոն Հեդը բացատրել է, որ barbaturex նշանակում է «բեղավոր արքա»։

«Աշխատելու ժամանակ ես շատ էի լսում The Doors-ի երաժշտությունը, իսկ Մորիսոնն էլ հայտնի Մողես-արքա է։ Հենց այսպես էլ որոշվեց վերացած կենդանուն Ջիմ Մորիսոնի անունով կոչել»,-պատմել է մասնագետը։ 

Իր երգերից մեկում Մորիսոնն ասում է հետևյալ տողերը.«Ես Մողես արքան եմ, ես կարող եմ ամեն ինչ»։ Մորիսոնը մահացել է 27 տարեկանում, Փարիզում։