2012-ին ռեկորդային քանակությամբ ածխաթթու գազ է արտանետվել մթնոլորտ

2012-ին Երկիր մոլորակը 31,6 գիգատոննա ածխաթթու գազ է արտանետել մթնոլորտ, ահազանգում է Business Insider-ը ՝ նշելով, որ դա ռեկորդային քանակություն է:

2011-ի համեմատ այդ ցուցանիշը աճել է՝ 1,4 տոկոսով:

Արտանետումների քանակով առաջատարը Չինաստանն է, չնայած նախորդ տարիների համեմատ նվազում ունի: Չինաստանին հաջորդում են զարգացող երկրները՝ Հնդկաստանը, Մերձավոր Արևելքի երկրները, նաև՝ Ճապոնիան:

ԱՄՆ-ում նման արտանետումների քանակը կրճատվել է շնորհիվ ածխից գազ անցման: Նվազում կա նաև ԵՄ-ի երկրներում:
Եթե մոլորակը պահպանի 1,4 տոկոսի ցուցանիշը, ապա ջերմաստիճանը նույնպես կաճի՝ 3,6 ցելսիուսով: