Ամերիկյան նոր անօդաչու թռչող սարքն այնքան նման է թռչունի, որ դրա վրա իսկական բազե է հարձակվել (տեսանյութ)

ԱՄՆ-ի Զինուժի կողմից ֆինանսավորվող Մերիլենդի համալսարանի հետազոտողներն անօդաչու թռչող սարքերը կարող են նոր մակարդակի հասցնել, նկատում է Business Insider-ը:

Աղբյուրը նկատի ունի մասնավորապես ռոբո-ագռավը, որը կարող է թափահարել իր թևերը, ինչը սարքին թույլ է տալիս թռչնի տեսք ունենալ:

Նշված համալսարանը սարքի թռիչքի տեսանյութ է տարածել, որում սարքն այնքան է նման թռչնի, որ դրա վրա հարձակվում է բազեն: Իրենց հերթին համալսարանի գիտնականներն ասում են, որ նպատակն է ստեղծել ռոբոտ թռչուն, որը կանի այն, ինչ մինչ այդ չի արվել:

Այս տեխնոլոգիաները կիրառում կունենան օրինակ Իրաքում կամ Աֆղանստանում, որտեղ զինյալ ահաբեկիչներն անօդաչու թռչող սարքեր նկատելով՝ թաքցնում են զենքն ու անհետանում: Իսկ այս դեպքում սարքը կարող է թռչել ուղիղ նրանց գլխավերևում, իսկ նրանք անգամ գաղափար չեն ունենա, կարծիք է հայտնում աղբյուրը: