Չինաստանը տիեզերանավ է արձակել

Չինաստանն այսօր իրականացրել է «Շենչժոու-10» տիեզերանավի արձակումը, որի անձնակազմը բաղկացած է 3 մարդուց, տեղեկացնում է «ՌԻԱ Նովոստի» գործակալությունը։

«Շենչժոու 10»-ն արձակվել է տեղական ժամանակով 17։38-ին՝ Ցզյուցյուան տիեզերակայանից։

Անձնակազմի անդամներից երկուսը տղամարդ են (Նե Հայշեն և Չժան Սյաոգուան) և մեկը կին (Վան Յապին)։ 

Նախօրեին Չինաստանի տիեզերական թռիչքների ծրագրի ղեկավար Ու Պինն ասել էր, որ տիեզերանավը տիեզերքում կմնա 15 օր։

Տիեզերքը բացահայտելու Չինաստանի ծրագիրը մեկնարկել է 1956թ.-ի հոկտեմբերի 8-ին։ 1970թ.-ի ապրիլին ՉԺՀ-ն տիեզերք է ուղարկել առաջին արհեստական արբանյակը՝ «Դունֆանհուն 1»-ը։

Չինաստանի Ժողովրդական Հանրապետությունը նախատեսում է մինչև 2020թ. տիեզերքում ունենալ սեփական տիեզերակայանը և ստեղծել տիեզերական լաբորատորիա։