Mercedes մակնիշի ատոմեքենաները կնախազգուշացնեն միմյանց վտանգի մասին

Mercedes-Benz ընկերությունն այս տարվա վերջին խոստանում է «սովորեցնել» իր սերիական ավտոմեքենաներին շփվել միմյանց հետ, գրում է auto.vesti.ru-ն։

Car-to-X անվանումով համակարգի միջոցով մեքենաները և նրանց վարորդները կարող են վթարների և այլ վտանգավոր երևույթների վերաբերյալ հաղորդագրություններով փոխանակվել։

Ինչպես հայտնել է ընկերության հետազոտական բաժնի ղեկավար Թոմաս Վեբերը, «այդ տեխնիկայի հայտնվելով՝ Mercedes-ը ևս մեկ անգամ հաստատում է անվտանգության բարձրացման նպատակով ճանապարհային երթևեկության մեջ նորարարություններ ներմուծելու ձգտման մասին»։ Առանձին նշվում է այն փաստը, որ Mercedes ընկերությունը կդառնա աշխարհում առաջին արտադրողը, որը կսկսի նման տեխնոլոգիաներ կիրառել սերիական արտադրությունում։

Car-to-X համակարգը կարող է մոնիտորի վրա ցուցադրել արտակարգ ծառայություններից և տրանսպորտային ենթակառուցվածքների օբյեկտներից ստացված ծանուցումները։ Այդպիսով, վարորդը կարող է զգուշացվել երթուղում տեղի ունեցած վթարի կամ եղանակի կտրուկ փոփոխությունների մասին։ Բացի այդ, վարորդը կարող է ինքնուրույն ուղարկել նմանատիպ հաղորդագրություններ այն իրավիճակների մասին, որոնք չեն գտնվում վթարային ծառայությունների շրջանակում. նման հաղորդագրությունները կստացվեն նման համակարգ ունեցող այլ ավտոմեքենաներից, որոնք գտնվում են մոտակայքում։