Renault-ը ներկայացրել է «գործնական» Twizy Cargo-ն (լուսանկարներ)

14:55 • 27.06.13

Ֆրանսիական հանրահայտ Renault մեքենաշինական ընկերությունն ընդլայնել է իր «էլեկտրական» նախագիծը՝ եվրոպական շուկային առաջարկելով Twizy միկրոքարի «գործնական» տարբերակը, տեղեկացնում է LuxPlanet-ը։

Twizy Cargo էլեկտրամոբիլը ստացել է ամբողջովին վերափոխված սրահ։ Հետևի կողմից այն համալրված է 90 աստիճանով բացվող դռնով։

Թեկուզ նշված չէ բեռնախցիկում դրվելիք բեռի հստակ սահմանաչափը, այնուհանդերձ, ակնհայտ է, որ «նվազ» Twizy Cargo-ն պիցցայով կամ գործիքներով տուփերից ավելի մեծ բան չի կարող տեղափոխել։

Մեքենան «զինված» է 5 կամ 17 ձիաուժ հզորությամբ էլեկտրական շարժիչով, որոնց զարգացրած առավելագույն արագությունը 45 և, համապատասխանաբար, 80 կմ/ժ է։ «Գործնական» միկրոքարի գինը 6.750 եվրո է։