Ford-ը Mustang GT-ն վերածել է «կործանիչի» (լուսանկարներ)

11:40 • 04.07.13

Ամերիկյան հանրահայտ Ford մեքենաշինական ընկերությունը ներկայացրել է Mustang GT U.S. Air Force Thunderbirds Edition բացառիկ մոդելը, որը կթողարկվի մեկ օրինակով, գրում է LuxPlanet-ը։

Մեքենան ստեղծվել է Thunderbirds պիլոտաժային խմբի հիմնադրման 60-ամյա հոբելյանի կապակցությամբ։ Այն կվաճառվի Experimental Aircraft Association (EAA) AirVenture ավիաշոուի ընթացքում կազմակերպված աճուրդի շրջանակներում՝ օգոստոսի 1-ին։

Բացառիկ Mustang-ը ներկված է սպիտակ, կապույտ և կարմիր գույներով, ինչպես որ Thunderbirds-ի օդաչուների F-16 կործանիչները։ Բացի այդ, մասնագետները մեքենան արտաքուստ այնպես են ձևափոխել, որ այն շատ նման լինի F-16-ին։

Մեքենայի «պատկանելությունը» կործանիչների դասին ընդգծելու համար դրա ստորին մասում տեղադրված են հատուկ լուսադիոդային լամպեր, որոնք դռների բացվելու ժամանակ ասֆալտի վրա ստեղծում են ինքնաթիռի ուրվագիծ։