Հայտնաբերվել է Նեպտունի ամենափոքր արբանյակը

«Հաբլ» հեռադիտակը հայտնաբերել է նոր, նախկինում աստղագետներին անհայտ արբանյակ, որը պատկանում է Նեպտուն մոլորակին։

Ինչպես հայտնում է Лента-ն՝ հղում անելով ԱՄՆ-ի օդատիեզերական գործակալության՝ ՆԱՍԱ-ի կայքին, արբանյակը, որը ժամանակավորապես ստացել է S/2004 N 1 անվանումը, ունի 19 կմ երկարությամբ տրամագիծ։

S/2004 N 1-ը Նեպտունի 14-րդ արբանյակն է ու դրանց շարքում ամենափոքրը։ Արբանյակը Նեպտունից գտնվում է 105251 կմ հեռավորության վրա, իսկ մոլորակի շուրջ ամբողջական պտույտ կատարում է 23 ժամվա ընթացքում։

Նեպտունն Արևից ամենահեռուն գտնվող մոլորակն է, որի տրամագիծը մոտ 4 անգամ գերազանցում է Երկրի տրամագծին։ Նեպտունը հայտնաբերվել է 1846թ.։