Սիրիացի հաքերները հայտարարել են Viber մեսինջերը կոտրելու մասին

«Սիրիական էլեկտրոնային բանակ» հաքերական խմբավորումը հայտարարել է Viber հաղորդագրությունների ծառայության տեխնիկական սպասարկման կայքը կոտրելու մասին և մեղադրել է հավելվածին լրտեսության մեջ, գրում է Lenta-ն՝ վկայակոչելով հաքերների պաշտոնական կայքը։

«Այն բանից հետո, երբ մենք ստացանք հավելվածի համակարգերի որոշ հասանելիություն, մեր համար պարզ էր, որ նրա նպատակը լրտեսությունն է և հետևելը սեփական օգտատերերին»,- ասվում է հաքերների հրապարակած հաղորդագրությունում։

Viber-ի ներկայացուցիչը հաստատել է կայքի վրա կատարած հաքերական հարձակումը, միևնույն ժամանակ ընկերությունում հերքել են տվյալների բազան կոտրելու մասին տեղեկությունը՝ նշելով, որ հաքերները չեն ստացել որևէ կարևոր տեղեկություն օգտատերերի մասին։