Skoda-ն ներկայացրել է «ամենաագրեսիվ» մանկասայլակը (լուսանկարներ)

Չեխական հանրահայտ Skoda մեքենաշինական ընկերությունը որոշել է իր ուժերը փորձել նաև մանկասայլակների արտադրության ոլորտում՝ ներկայացնելով իր առաջին արտադրանքը, որը բավական արտառոց տեսք ունի։

 

Ինչպես նշում է Daily Mail պարբերականը, մանկասայլակն ունի աներևակայելի մեծության անիվներ, որոնց տրամագիծը շատ լայն է։ Չեխ մասնագետները նշել են, որ իրենց նպատակն էր ստեղծել այլընտրանքային մանկասայլակ, որն իր տեսքով ու հնարավորություններով կտարբերվեր շուկայում եղած մյուս մոդելներից։
 

Բացի այդ նրանք մանկասայլակին տվել են ավելի սպորտային ու ագրեսիվ տեսք՝ հիմնվելով վերջերս երիտասարդ հայրերի շարքում անցկացված սոցհարցաման արդյուքնների վրա։ Բանն այն է, որ հարցմանը մասնակցած  հազար հայրերի 2/3-րդ մասն ասել է, որ երեխային ավելի հաճախ մանկասայլակով զբոսանքի կտաներ, եթե այլ ավելի ոճային ու նորաձև տեսք ունենար։

 

Daily Maily-ը նկատում է, որ մի գուցե տպավորիչ դիզայնով մանկասայլակը գրավի հայրերին՝ ստիպելով նրանց ավելի շատ ժամանակ անցկացնել իրենց փոքրիների հետ։