Բաքվում անհետացել է «Ազատություն» ռադիոկայանի աշխատակիցը
Ադրբեջանում քաղաքացիական հագուստով երկու անհայտ անձ այսօր առավոտյան տեղական ժամանակով ժամը 11:00-ի սահմաններում բռնել են «Ազատություն» ռադիոկայանի աշխատակից Թուրհան Քերիմովին, տեղեկացնում է ռադիոկայանի կայքը։
Ականատեսները պատմել են, որ նրան նստեցրել են մի սև մեքենա և տարել են անհայտ ուղղությամբ:
Երկրի ներքին գործերի նախարարությունը տեղեկացրել է, թե միջադեպի վերաբերյալ որևէ տեղեկատվություն չունի:
Նշվում է, որ Քերիմովը սովորաբար ռադիոկայանի համար նյութեր է պատրաստել քաղաքական և սոցիալական թեմաներով:










