Չինաստանի մայրաքաղաքում արգելվել է ծխել հասարակական վայրերում
Պեկինի իշխանություններն ընդունել են օրինագիծը, որով արգելվում է ծխել բոլոր փակ հասարակական վայրերում, հայտնում է Xinhua-ն:
Դրանց թվում են նաև աշխատավայրերն ու տրանսպորտային միջոցները: Օրենքն ուժի մեջ կմտնի հաջորդ տարվա հունիսից:
Նույն օրենքով բացօթյա տարածքներ ունեցող հաստատություններից արգելված է ծխել մանկապարտեզներում, դպրոցներում, հիվանդանոցներում, մարզասրահներում, մշակութային վայրերում: Արգելված է նաև ծխախոտի գովազդը: Նմանապես ուսուցիչներին արգելվել է ծխել աշակերտների առաջ:
Պեկինը հայտնի է որպես աշխարհի ամենաաղտոտված մթնոլորտով քաղաքներից մեկը:










