Մադոննան մանկական հիվանդանոց է բացել Մալավիում (լուսանկարներ)
Հանրահայտ երգչուհի Մադոննայի Raising Malawi հիմնադրամի տնօրեն Սառա Եզզին հայտնել է, որ երգչուհին 50 տեղանոց մանկական հիվանդանոց է բացել Մալավիի գործարար մայրաքաղաք Բլանտայրում, գրում է ՏԱՍՍ գործակալությունը։
Մադոննան, ով 2 երեխա է որդեգրել Մալավիից, նախորդ տարի ժամանել էր այս երկիր՝ իր միջոցներով կառուցված 10 տարրական դպրոցը ստուգելու համար, սակայն շատ սառն ընդունելության էր արժանացել։ Երկրի նախագահի վարչակազմից հայտնել էին, որ դա եղել են ընդամենը մի քանի դասասենյակներ և որ Մադոննան ինքնագովազդով է զբաղվում։
Երգչուհին նշել է, որ իր վրա հարձակումները պայմանավորված են նրանով, որ նախագահի փոքր քույրը հեռացվել է հիմնադրամի ղեկավարումից՝ 3.8 մլն դոլարն աննպատակային օգտագործելու համար։















