ԱՄՆ-ում ձերբակալվել է Սենթ Լուիսում ահաբեկչություն պլանավորած երկու տղամարդ
Ամերիկյան Սենթ Լուիս քաղաքում (Միսուրի նահանգ) ոստիկանությունը ձերբակալել է երկու տղամարդու, որոնք պլանավորել էին քաղաքում ահաբեկչություն իրականացնել, տեղեկացնում է ТАСС-ը:
Տղամարդիկ ձերբակալվել են նոյեմբերի 20-ին: Իրավապահ մարմինները տեղեկացրել են, որ նրանք ոստիկանության գաղտնի գործակալներից ձեռք են բերել ինքնաշեն պայթուցիկ սարքի մուլյաժ և պլանավորում էին ավելի ուշ գնել ևս երկու նման «ռումբ»:
Նրանք մտադրվել էին պայթյուն իրականացնել Սենթ Լուիսի հրապարակում:
Բացի այդ, ձերբակալվածները պատրաստվում էին մահափորձ իրականացնել Ֆերգյուսոնի ոստիկանապետի դեմ:










