Ամերիկուհին օդանավ է նստել իրեն «հոգեպես սատարող» խոզի հետ
ԱՄՆ-ի Կոնեկտիկուտ նահանգում ուղևորուհին օդանավ է նստել իր խոզի հետ: Խոսքն ամենաիսկական խոզի մասին է, հայտնում է ABC News-ը:
Սկզբում ուղևորները կարծել են, թե դա մեծ պայուսակ է: Սակայն քիչ անց, երբ ուղևորուհին կողքի նստատեղին տեղավորել է վզակապով իր խոզին, նրանք սկսել են հոտ առնել:
Ամերիկուհին բացատրել է, որ խոզն իրեն հոգեպես սատարում է թռիչքի ժամանակ: Սակայն, երբ կենդանին սկսել է հետ ու առաջ անել, իրեն «անկարգ» պահել, ուղևորուհուն հանել են թռիչքից՝ խոզի հետ հանդերձ: Ականատեսների վկայությամբ խոզն առնվազն 20 կգ էր:











