Թուրքիայի վարչապետը կոչ է արել խուսափել պաշտոնյաների ձեռքերը համբուրելու ավանդույթից

14:30 • 01.12.14

Թուրքիայի իշխող «Արդարություն և զարգացում» կուսակցության համագումարի ժամանակ երկրի վարչապետ Ահմեթ Դավութօղլուն հայտարարել է, որ պաշտոնատար անձանց և կառավարության անդամներին անհրաժեշտ է խուսափել բնակչության կողմից ձեռքերը համբուրելու ավանդույթից, գրում է lifenews.ru-ն՝ Hurriyet-ին հղումով։

 

«Որպես վարչապետ՝ ես խորհուրդ եմ տալիս բոլոր պետական պաշտոնյաներին խուսափել նրանից, որ Թուրքիայի քաղաքացիները համբուրեն իրենց ձեռքերը»,-ասել է Դավութօղլուն։

 

Սակայն որոշ ժամանակ անց վարչապետն ինքն է խախտել իր իսկ սահմանած արգելքը։ Անհայտ տղամարդը որոշել է շնորհավորել նրան և անսպասելիորեն համբուրել է նրա ձեռքը։

 

Թուրքական ավանդույթի համաձայն՝ ձեռքերը համբուրելը մեծերին հարգելու նշան է։