ԱՄՆ-ում կալանավորից 4 պահակ է հղիացել

13:26 • 01.12.14

Բալտիմորի բանտում չորս պահակ հղիացել է կալանավորներից մեկից, ով քրեական հանցախմբի ղեկավար է և ուժեղ ազդեցություն ունի բանտում, գրում է korrespondent.net-ը:

 

Կալանավոր Տավոն Վայթը գրավել է պահակներին՝ նրանց թանկարժեք նվերներ, այդ թվում՝ մեքենաներ և ադամանդե մատանիներ նվիրելու խոստումներով:

 

Հաղորդում են, որ Վայթը կարգավորել է կալանավորներին թմրամիջոցների և բջջային հեռախոսի մատակարարումները: Նրա «եկամուտն» ամսական հասել է 16 հազար դոլարի:

 

Հետաքննությունների դաշնային բյուրոյի գործակալներից մեկը պատմել է, որ բանտն ամբողջությամբ վերահսկվել է Տավոն Վայթի կողմից: Հանցագործն այն անվանում էր «իր բանտը»:

 

Հետաքրքիր է, որ երկու պահակների մարմնի վրա կան «Տավոն» անունով դաջվածքներ: Մեկի մոտ՝ վզին, մյուսի մոտ՝ դաստակին:

 

Այժմ ոստիկանությունը կալանավայրում հետաքննություն է անցկացնում: Բոլոր պահակները և հանցակիցները հեռացվել են պատժիչ հաստատությունից: