Բարբիի տնակը գողանալու համար ամերիկացին ձևացրել է, թե սրտի նոպա ունի

08:40 • 19.12.14

ԱՄՆ Ֆլորիդա նահանգի Լեյք Ուելս քաղաքում տղամարդը խանութում ձևացրել է, թե սրտի նոպա ունի, որպեսզի նրա գործընկերը կարողանա խաղալիք գողանալ: Ինչպես տեղեկացնում է Lenta.ru-ն, հանցագործները ձերբակալվել են:


30-ամյա Տարուս Սկոտն ու 27-ամյա Ջերարդ Դյուպրեն մտել են սուպերմարկետ և գնացել մանկական ապրանքների բաժին: Նրանք սայլակի մեջ դրել են ավտոմեքենա և Բարբի տիկնիկի համար նախատեսված տնակ:


Ելքի մոտ Դյուպրեն բռնել է կուրծքն ու ընկել հատակին՝ սրտի նոպայի տպավորություն թողնելով: Մի քանի այցելուներ փորձել են օգնել նրան: Այդ ընթացքում Սկոտը հանգիստ դուրս է եկել սուպերմարկետից: Դրանից հետո Դյուպրեն ոտքի է կանգնել և գնացել ընկերոջ հետևից:


Տեղի ունեցածը ֆիքսել են անվտանգության տեսախցիկները և դրանց միջոցով էլ հաջողվել է պարզել կողոպուտի հեղինակների ինքնությունը: Նրանք ձերբակալվել են: Դյուպրեի ու Սկոտի գողացած խաղալիքների ընդհանուր արժեքը կազմել է 369 դոլար: