Քուրդ զինյալները գրավել են Սինջար լեռն ու ազատագրել հազարավոր եզդիների

16:13 • 19.12.14

Քուրդ զինյալները՝ «փեշմերգաները», ԱՄՆ-ի գլխավորության գործող կոալիցիայի ռազմական ինքնաթիռների աջակցությամբ «Իսլամական պետություն» խմբավորման զինյալներից ազատագրել են Իրաքի և Սիրիայի սահմանին գտնվող ընդարձակ տարածքը, որտեղ արգելափակվել էին իսլամիստներից փրկված փախստականները:

 

Ինչպես տեղեկացնում է BBC ռուսական ծառայությունը, փեշմերգաները գրավել են նաև Սինջար լեռը, որտեղ օգոստոսից ապաստան էին գտել հազարավոր եզդի փախստականներ:


Չնայած քրդերի այս ձեռքբերմանը, ԻՊ-ը շարունակում է վերահսկողության տակ պահել Իրաքի ու Սիրիայի գրավված տարածքների մեծ մասը, որտեղ խալիֆայություն էին հռչակել:


Պենտագոնի ղեկավարությունը հայտարարում է, որ ավիահարվածների արդյունքում ոչնչացվել են Իրաքում ԻՊ-ի մի քանի բարձրաստիճան առաջնորդներ: