Իտալուհին կլինիկական մահ տանելուց 9 շաբաթ անց առողջ որդի է լույս աշխարհ բերել

01:10 • 20.12.14

Իտալիայում բացառիկ դեպք է գրանցվել. Կինը կլինիկական մահ տանելուց հետո առողջ որդի է ունեցել:

 

Ինչպես հայտնում է  newsru.com-ը`La Stampa-ին հղումով, 36-ամյա իտալուհին 2014-ի հոկտեմբերին  ուղեղի արյունազեղումից հետո, երբ վերջինս 23-րդ շաբաթական հղիության մեջ էր գտնվում, տեղափոխվել է Միլանի Սան Ռաֆայել հիվանդանոց: Բժիշկներին չի հաջողվել փրկել նրան, սակայն նրա ընտանիքի համաձայնությամբ բժիշկները չեն անջատել նրա արհեստական կենսաապահովման սարքավորումը հաջորդ 9 շաբաթվա ընթացքում:

 

 Հղիության 32-րդ շաբաթում բժիշկները կեսարյան հատում են արել և օգնել 1.8 կգ քաշով տղային՝ լույս աշխարհ գալ:

 

Փոքրիկի մահացած մոր հարազատները իրենց համաձայնությունն են տվել, որ կնոջ օրգանները փոխանցվեն բժշկական կարիքներին՝ փոխպատվաստումների ժամանակ: