Կանադայում գողը փորձում է ռեստորանի սեփականատեր Բարբերյանից փող գողանալ և ծեծի ենթարկվում (տեսանյութ)

17:11 • 24.12.14

Երկուշաբթի առավոտյան գողը փորձել է մոտենալ Տորոնտոյում գտնվող ռեստորանի սեփականատեր Ահարոն Բարբերյանին և գողանալ նրա մոտ եղած կանխիկ գումարը, հաղորդում է Yahoo News-ը:

 

Տեսահսկման համակարգերից ստացված երկու տեսանյութերում, որոնք Barberian’s Steak House-ի սեփականատեր Բարբերյանը հրապարակել է YouTube-ում, երևում է, թե ինչպես է սեփականատերը ոչ միայն հետ հրում գողին, այլև նրան մի լավ ծեծի ենթարկում:

 

Գողին ռեստորանից դուրս հանելուց հետո Բարբերյանը հետապնդում է նրան և կրկին գետնին տապալում փողոցի մեջտեղում:

 

Ինչպես գրում է Yahoo News-ը, այս տեսանյութերը դիտելուց հետո ոչ մեկ այլևս չի ցանկանա Բարբերյանին նյարդայնացնել: