Իտալական կրկեսը շներին որպես պանդաներ է ներկայացրել
Իտալիայի ոստիկանության աշխատակիցները շրջիկ կրկեսում չաու-չաու տեսակի երկու շուն են հայտնաբերել, որոնց ձևափոխել են այնպես, որ նմանվեն պանդաների, գրում է gazeta.ru-ն՝ հղում անելով The Local-ին:
Ոստիկանության տվյալներով՝ շներին ներկել են, որպեսզի նրանք արտաքինից նմանվեն պանդաների և խնդրել են կրկեսի այցելուներին վճարել նրանց հետ լուսանկարվելու հնարավորության համար:
Այդ մասին հայտնի է դարձել, երբ հանդիսատեսը հայտնել է, որ պանդաների փոխարեն իրենց շներ են ցույց տվել:
Նաև նշվում է, որ շներին երկիր են բերել կեղծ փաստաթղթերով:
Այժմ կրկեսի սեփականատիրոջը մեղադրանք է ներկայացվել:










