Ձմեռ պապի հագուստով պաղեստինցի ցուցարարների դեմ արցունքաբեր գազ է կիրառվել. տեսանյութ
Բեթղեհեմում Ձմեռ պապի հագուստով պաղեստինցի ցուցարարների խաղաղ ակցիան ավարտվել է իսրայելական ոստիկանության հետ բախումով: Այս մասին հայտնում է ՏԱՍՍ-ը:
Ցուցարարների դեմ արցունքաբեր գազ է կիրառվել, ինչը հաստատում են Al Arabiya-ն և պաղեստինյան WAFA պաշտոնական լրատվականը:
Ցուցարարները Սանտա Կլաուսի կերպարանքով նվերներ են բաժանել Բեթղեհեմ մտնող երեխաներին: Ակցիան անց է կացվել սուրբծննդյան միջոցառումների շրջանակում, որ նախօրեին մեկնարկել էին քաղաքի կենտրոնական հրապարակում, սակայն ի սկզբանե խաղաղ ակցիան վեր էր ածվել ոստիկանության հետ բախումների:
Իսրայելցի իրավապաշտպանները հայտնել են, որ ընդունված նորմերի խախտումով իսրայելցի զինվորականներն ու ոստիկանները նշանառությամբ արցունքաբեր գազ են արձակել ցուցարարների վրա:
2011-ին ևս պաղեստինցի ակտիվիստները Ձմեռ պապի կերպարանքով էին ակցիաների դուրս եկել՝ կոչ անելով չգնել իսրայելական արտադրության ապրանքները:
Այժմ Գազայի հատվածում 50 քրիստոնյա արաբ է ապրում, այդ թվում՝ 17 հազար կաթոլիկ: Մուսուլման բնակչությունը կազմում է 4 մլն:










