Սատկած խոզի 235,3 կգ մսի գործով քրեական գործ է հարուցվել

17:24 • 24.12.14

Շուկայում անկած խոզերի մսի վաճառքի փաստի առթիվ ՀՀ քննչական կոմիտեի Երևան քաղաքի քննչական վարչությունում հարուցվել  է քրեական գործ ՝ ՀՀ քրեական օրենսգրքի 212-րդ հոդվածի 2-րդ մասի 1-ին կետով։


Այս մասին   Tert.am-ին հայտնեց  ՀՀ քննչական կոմիտեի  նախագահի մամուլի քարտուղար Սոնա Տռուզյանը:


«Նախապատրաստված նյութերով պարզվել է, որ քաղաքացի Պետրոսյանը 2014թ. դեկտեմբերի 20-ին Նուբարաշենի հոգեբուժական հիվանդանոցի հարևանությամբ գործող խոզաբուծական տնտեսությունից ձեռք է բերել խոզի մսի խմբաքանակ։ Եվ  որակի վերաբերյալ սպառողներին թյուրիմացության մեջ գցելով՝ մի մասը՝ սատկած, հոգեվարքի շրջանում մորթված, ոչ թարմ, սննդի համար ոչ պիտանի, խոշոր չափերով՝ 235,3 կգ խոզի միսն իրացվել է մսի վաճառքով զբաղվող անձին»,-ասաց Սոնա Տռուզյանը:


Նախաքննությունն ընթանում է: