Հարյուրավոր ոստիկաններ մեջքով են շրջվել Նյու Յորքի քաղաքապետին իրենց գործընկերոջ հոգեհանգստի արարողության ժամանակ

16:42 • 29.12.14

Նյու Յորքի ոստիկանության հարյուրավոր աշխատակիցներ մեջքով են շրջվել քաղաքապետ Բիլ դե Բլազիոյին՝ անցած շաբաթ սպանված իրենց գործընկերոջ հոգեհանգստի արարողության ժամանակ, հաղորդում է The Times-ը:

 

Նյու Յորքի ոստիկանության ամենամեծ միավորման ղեկավարը ենթադրություն է հայտնել, որ վերջին շաբաթների ընթացքում քաղաքապետ դե Բլազիոյի մեկնաբանություններն ու խոսքերն են ոստիկանության դեմ ուղղված թշնամական վերաբերմունքի պատճառ դարձել, որի կիզակետն է դարձել դեկտեմբերի 20-ին երկու ոստիկանների սպանությունը:

 

Ռաֆայել Ռամոսի հոգեհանգստի արարողությանը մասնակցելու համար հազարավոր մարդիկ են հավաքվել Գլենդեյլում գտնվող եկեղեցու առաջ: Ռամոսն Իսմայիլ Բրինսլիի կողմից սպանված երկու ոստիկաններից մեկն է: Ինչպես հաղորդվել է՝ Բրինսլին վրեժ է փորձել լուծել Էրիկ Գարների և Մայքլ Բրաունի՝ երկու անզեն սևամորթ մարդկանց համար, որոնց սպանությունները ոստիկանների կողմից ԱՄՆ-ում զանգվածային ցույցերի պատճառ են դարձել:

 

Քաղաքապետ դե Բլազիոն քննադատության է ենթարկվել ոստիկանների ասոցիացիաների կողմից, ովքեր պնդում են, որ նա բավարար քայլեր չի ձեռնարկել երկրով մեկ ընթացող թեժ բողոքի ակցիաների պայմաններում ոստիկանությանն աջակցելու համար: