Հռոմի պապը քաջալերել է մայրերին երեխաներին կրծքով կերակրել անմիջապես Սիքստինյան կապելայում (լուսանկարներ)
Հռոմի պապ Ֆրանցիսկոսը, ով հայտնի է իր արտասովոր քայլերով, քաջալերել է մայրերին իրենց երեխաներին անմիջապես Սիքստինյան կապելայում կրծքով կերակրելու հարցում:
Ինչպես նշում է dailymail.co.uk-ը, Կաթոլիկ եկեղեցու հովվապետը Սիքստինյան կապելայում 33 մանուկի մկրտության ավանդական արարողության ժամանակ ասել է, որ կանայք չպետք է ամաչեն փոքրիկներին կրծքով կերակրելուց:
«Մայրե'ր, հենց հիմա կերակրե'ք ձեր երեխաներին, քանի որ նրանք սոված են ու լաց են լինում: Առանց տատանվելու կրծքո՛վ կերակրեք ու ոչ մի բանի համար մի' անհանգստացեք»,- նախապես գրված տեքստից շեղվելով` ասել է Ֆրանցիսկոսը:
Բացի այդ՝ Հռոմի պապը կոչ է արել ծնողներին մշտապես Աստվածաշունչ կարդալ երեխաների համար, ու նրանց սովորեցնել, որ չի կարելի հետևել Հիսուսին` անջատ մնալով Եկեղեցուց:














