Ֆրանսիայի դատախազությունը գործ է հարուցել հումորիստ դերասանի նկատմամբ Charlie Hebdo հետ կապված կատակի պատճառով
Ֆրանսիայի դատախազությունը հետաքննություն է անցկացնում հումորիստ Դիեդոննե Մբալա Մբալայի նկատմամբ Charlie Hebdo ֆրանսիական երգիծական շաբաթահանդեսի խմբագրության հարձակման շուրջ նրա ֆեյսբուքյան մեկնաբանության պատճառով:
Ինչպես գրում է BBC-ն` France Presse-ին հղումով, դերասանի գրառումը, դատախազների կարծիքով, կարող է գնահատվել որպես «ահաբեկչության արդարացում»:
«Ինչ վերաբերում է ինձ, ես զգում եմ ինչպես Շարլի Կուլիբալի», - գրել է սկանդալային հայտնի դերասանը, ով հակասեմիթի հեղինակություն ունի:
Այսպես Դիեդոննեն մեկնաբանել է «Ես Շարլի Էբդոն եմ» կարգախոսը, որով ողջ աշխարհը հայտնում է իր համերաշխությունը ֆրանսիացի ժողովրդին:
Գրոհային Ամեդի Կուլիբալին 5 մարդու է սպանել, որոնցից 4-ին` Փարիզի սուպերմարկետում: Վերջինիս, ինչպես և հարձակման մյուս մասնակիցներին, ոչնչացրել են ոստիկանները հակաահաբեկչական գործողության ընթացքում:










