Քաջարանում 6-8 մարդ վարակվել է Հեպատիտ C-ով. ժամանակավորապես դադարեցված է վիրահատարանի գործունեությունը

16:51 • 12.01.15

Քաջարանում 6-8 մարդ վարակվել է Հեպատիտ C-ով, տեղեկացված է նաև  Առողջապահության նախարարությունը և առողջապահության տեսչությունից գալու են այդ ամեն ինչը պարզեն. այս մասին Tert.am-ի խնդրանքով ասաց Քաջարանի բժշկական կենտրոնի բուժգծով տեղակալ Վիրաբ Մանասյանը՝ հաստատելով Tert.am-ի տեղեկատվությանը, թե Քաջարանում մի խումբ անձինք վարակվել են Հեպատիտ C–ով։ 


«Դա տարբեր բաների հետ կարող է կապված լինել, կարող է լինել ատամնաբուժարանում,  մատնահարդարման կենտրոնում, հասարակ ներարկումներից կարող է լինել ինֆեկցիա»,-ասաց Վիրաբ Մանասյանը և նշեց, որ այս պահին վարակված է 6-8 հոգի:


«Ժամանակավոր դադարեցված է վիրահատարանի գործունեությունը մինչ նախարարությունից տեսչությունը գա, հանգամանքները պարզվեն, աղբյուրը գտնվի, վերացվի, որից հետո վիրահատարանն իր գործունեությունը կծավալի»,-ասաց նա: