Չինաստանում «երեխաների գործարան» է հայտնաբերվել, որտեղ կանանց վճարում են երեխա ունենալու և վաճառելու համար (լուսանկարներ)
Չինաստանի ոստիկանությունը «երեխաների անօրինական գործարանից» տասնյակ նորածինների է փրկել թրաֆիքինգով զբաղվող ավազակախմբին հայտնաբերելուց հետո, որը մտադիր էր որդեգրության վաճառել երեխաներին:
Ինչպես տեղեկացնում է Daily Mail-ը` ոստիկանությունը «գործարանը» հայտնաբերել է արևելյան Շանդուն նահանգում, որտեղ 37 երեխա է գտնվել, որոնց պահում էին թշվառ պայմաններում` կերակրելով մակարոնով և սննդի մնացորդներով:
Ինչպես պարզվել է` երեխաներից ոմանք հիվանդ են ՁԻԱՀ-ով և սեռական ճանապարհով փոխանցվող այլ հիվանդություններով:
Շանդունի ոստիկանությունը 103 մարդու է ձերբակալել, որոնք երեխաների թրաֆիքինգով զբաղվող ավազակախմբի անդամներն են, ովքեր մեղադրվում են հղիանալու և «գործարանում» երեխա ունենալու համար կանանց գումար վճարելու համար: Ծննդաբերությունից հետո կանայք թողնում են իրենց երեխաներին, ինչի դիմաց էլ վճարվում են:


















