Դոնեցկի օդանավակայանում կրակահերթերի հետևանքով տապալվել է դիսպետչերական աշտարակը

16:47 • 13.01.15

Ս.Ս. Պրոկոֆևի անվան Դոնեցկի օդանավակայանում կրակահերթերի հետևանքով տապալվել է դիսպետչերական աշտարակը, գրում է BBC News-ը։

 

Ուկրաինական ուժերի՝ անջատողականների դեմ տարվող հատուկ գործողությունների ներկայացուցիչ Լեոնիդ Մատյուխինը հաստատել է այս տեղեկատվությունը BBC-ի ուկրաինական ծառայությանը։

 

Ավելի վաղ airlive.net կայքը Twitter-ում հրապարակել էր լուսանկար, որտեղ օդանավակայանի թռիչքների կարգավորման աշտարակը չի երևում։

 

Աշտարակը տապալվել է, քանի որ անջատողականներն օգտագործել են նռնականետեր, ականանետեր, հրետանային զենք և տանկեր, հայտնել են անջատողականների դեմ տարվող հատուկ գործողությունների մամուլի կենտրոնից։

 

Նշվում է, որ բացի օդանավակայանից, կրակահերթերի է ենթարկվել 11 բնակավայր։

Диспетчерская башня донецкого аэропорта

 airlive.net-ի տարածած լուսանկարում չի երևում դիսպետչերական աշտարակը