Էկվադորի գեղեցկության մրցույթի հաղթողը մահացել է` որպես մրցանակ ստացած լիպոսակցիայի վիրահատության ենթարկվելով
Էկվադորի Դուրան քաղաքում անցկացված գեղեցկության մրցույթի թագուհու տիտղոսին արժանացած մոդել Քեթրին Կանդոն մահացել է՝ լիպոսակցիայի վիրահատության ենթարկվելով:
Ինչպես հայտնում է Daily Mail-ը` բժշկական բաժնի 19-ամյա ուսանողուհին լիպոսակցիան շահել էր որպես մրցանակ գեղեցկության մրցույթում հաղթող ճանաչվելու համար:
Քեթրինը, ով մրցույթը շահել էր անցյալ տարվա հոկտեմբերին, տարբեր մրցանակներ էր ստացել, այդ թվում՝ Aveo 2015 ավտոմեքենա, պլանշետ և կոսմետիկ վիրահատության անցկացում:
Սկզբում մոդելը հրաժարվում էր իրականացնել վիրահատությունը, քանի որ դրա կարիքը չուներ, թեև մրցույթի դատավորները խորհուրդ էին տվել մի փոքր նվազեցնել քաշը:
Նա տեղական մամուլին հայտնել էր, որ մտադիր է մարզումների միջոցով կորցնել ավելորդ քաշը, սակայն նրան մշտապես հորդորում էին վիրահատության ենթարկվել, և նա վերջապես որոշել է գնալ այդ քայլին՝ հունվարի 10-ին, որը սակայն, ողբերգական հետևանք է ունեցել:















