ԵՄ երկրները կարող են արգելել իրենց տարածքներում ԳՄՕ պարունակող կուլտուրաների աճեցումը
Եվրախորհրդարանը ընդունել է օրենք, որով ԵՄ-ի անդամ երկրներին թույլատրվում է արգելել գենային-մոդիֆիկացված կուլտուրաների աճեցումը: Այս մասին հայտնում է ՏԱՍՍ-ը:
Դա հնարավոր կլինի անել արդեն ընթացիկ տարվա գարնանից: Իրենց տարածքում գենետիկորեն մոդիֆիկացված օրգանիզմներ պարունակող գյուղատնտեսական կուլտուրաների աճեցման արգելքը կարող է լինել ինչպես մասնակի, այնպես էլ՝ ամբողջական: Պետությունները կկարողանան ԵՄ-ից առանձին որոշումներ կայացնել նման հարցերով:
Փաստաթուղթը խորհրդարանի քննարկմանն էր ներկայացվել դեռևս 2010-ին, սակայն անդամ պետությունների միջև տարաձայնությունների պատճառով քննարկումը հետաձգվել էր:
Վերջին տասը տարում Եվրոպայում արդիական են գենային մոդիֆիկացված օրգանիզմներով կուլտուրաների աճեցման և սննդօգտագործման շուրջ թեժ քննարկումները:










