ԻԼԻՊ-ի հաքերները կոտրել են Պենտագոնի թվիթերյան էջը
Պենտագոնի պաշտոնական ներկայացուցիչը հաստատել է ԱՄՆ Զինված ուժերի Կենտրոնական հրամանատարության տվյալների բազայի (CENTCOM) թվիթերյան էջը կոտրելու մասին տեղեկությունը:
Ինչպես հաղորդում է BBC-ն` Կենտրոնական հրամանատարությունը ձեռնարկում է բոլոր անհրաժեշտ միջոցները:
Ավելի վաղ հայտնի էր դարձել, որ «Իսլամական պետություն» խմբավորման կողմնակիցները հասանելիություն ունեն Կենտրոնական հրամանատարության թվիթերյան էջին և գաղտնի փաստաթղթեր են հրապարակում տվյալների բազայի կոտրված էջում:
Իսլամիստների` թվիթերում տեղադրված հայտարարություններից մեկում ասվում է. «Հանուն Ալլահի… Կիբերխալիֆայությունը սկսում է կիբերջիհադը»:
Իսլամիստ հաքերները նաև սպառնալիքներ են ներկայացրել ամերիկացի զինվորականների ու նրանց ընտանիքների հասցեին:












