Ռուսաստանի ՊՆ-ն կարող է արգելել արտասահմանում ծառայության ուղարկել ժամկետային զինծառայողներին
Ռուսաստանի պաշտպանության նախարարությունը կարող է դադարել զորակոչային զինծառայողներին արտասահմանյան ռուսաստանյան ռազմական բազաներ ծառայության ուղարկելը: Այս մասին հայտնում է «Գազետա»-ն՝ վկայակոչելով զինվորական գերատեսչությունում իր աղբյուրները:
Աղբյուրը նշում է, որ «այս որոշումը կապված է Հայաստանի միջադեպի հետ, որի հետևանքով տեղի է ունեցել վեց մարդու դաժան սպանություն»: Հետաքննությամբ ձերբակալվել է ռուսաստանցի ժամկետային զինծառայող:
«Հարցը բարդ է, մի կողմից՝ Ռուսաստանի վարկը չպետք է կախված լինի պատահական մարդկանցից, մյուս կողմից՝ ոչինչ չի կարելի հապճեպ որոշել», - ասել են Ռուսաստանի ՊՆ-ում:
Նշվում է, որ խնդրի լուծման ուղիներից մեկը կարող է դառնալ պայմանագրային զինծառայողների ռոտացիան:










