Այժմ ձե՛ր հերթն է. ահաբեկիչները սպառնացել են ֆրանսիական Canard Enchaine շաբաթաթերթին
Փարիզում հունվարի 7-ին տեղի ունեցած ահաբեկչության հաջորդ օրը սպառնալիք է ստացել նաև ֆրանսիական մեկ այլ երգիծական շաբաթաթերթ՝ Canard Enchaine-ը:
Ինչպես տեղեկացնում է Взгляд-ը, այդ մասին ասված է պարբերականի՝ այսօրվա համարում:
«Այժմ ձե՛ր հերթն է »,-ասվել է խմբագրություն ուղարկված էլեկտրոնային նամակում:
Լրագրողներին ուղղված նամակում անհայտ անձինք սպառնացել են նրանց սպանել կացիններով:
Այդ պատճառով խմբագրության անվտանգությունն ուժեղացվել է, իսկ դատախազը հանձնարարել է քննել լրագրողների ստացած սպառնալիքը:
Հիշեցնենք, որ Ֆրանսիայում հունվարի 7-ին ահաբեկչությունների շարք էր սկսվել: 3 օրերի ընթացքում զոհվել էր 17 մարդ, այդ թվում՝ 3 ոստիկան: Երկու հատուկ գործողությունների ընթացքում ոչնչացվել է 3 ահաբեկիչ:










