ԱՄՆ-ում սևամորթ պատանին փրկել է իրեն ձերբակալած ոստիկանի կյանքը

23:57 • 14.01.15

Ֆլորիդայում սևամորթ պատանին փրկել է ոստիկանին, ով ավելի վաղ ձերբակալել էր իրեն:


Ինչպես հաղորդում է Газета.Ru-ն`CBSN-ին հղումով, ոստիկանության սպա Ֆրանկլին Ֆոուլքսը լրացնելիս է եղել 17-ամյա Ջամալ Ռութլեջի ձերբակալության մասին փաստաթղթերը, երբ  հանկարծակի իրեն վատ է զգացել և ընկել է աթոռից` սիրտը բռնելով:


Տեսնելով դա` պատանին, ով ձեռնաշղթաներով էր, սկսել է ծեծել դուռն ու օգնություն կանչել: Օգնության հասած աշխատակիցները վերակենդանացնող գործողություններ են կատարել` օգտագործելով նաև բաժնում գտնվող դեֆիբրիլյատորը: Դեպքի վայր ժամանած բժիշկները նշել են, որ տղան արագ է արձագանքել, ինչն էլ փրկել է ոստիկանի կյանքը:


Ինչպես հաղորդվում է` նրան ձերբակալել էին պայմանական փորձաշրջանը  խախտելու համար: