Ֆրանսիայի խորհրդարանում Փարիզի ահաբեկչության զոհերի հիշատակին երգել են Մարսելյեզը (լուսանկարներ, տեսանյութ)
Ֆրանսիացի պատգամավորներն իրենց հարգանքի տուրքն են մատուցել անցած շաբաթ Փարիզում տեղի ունեցած ահաբեկչությունների զոհերի հիշատակին` կատարելով երկրի ազգային հիմնը:
Ինչպես նշում է dailymail.co.uk-ը, Ազգային ժողովի անդամները տեղի են տվել զգացմունքներին ու, ոտքի կանգնելով, երգել հանրահայտ Մարելյեզը: Աղբյուրը մանրամասնում է, որ նախքան այդ, պատգամավորները 1 րոպե լռությամբ հարգել են 17 զոհի հիշատակը:
Պարբերականը նշում է, որ վերջին անգամ Մարսելյեզը Ֆրանսիայի խորհրդարանում կատարվել էր Առաջին աշխարհամարտի վերջին` 1918թ.:
Դրանից հետո երկրի վարչապետ Մանուել Վալսը հայտարարել է, որ «Ֆրանսիան պատերազմ է հայտարարել ահաբեկչությանը, ջիհադիզմին ու արմատական իսլամիզմին, այլ ոչ թե իսլամին»:













