Ավստրալուհին դատի է տվել AirAsia-ին՝ կոտրված ոտքի պատճառով
Ավստրալուհին դատի է տվել Air Asia ավիաընկերությանը, քանի որ ուղեկցորդուհին ընկել է իր ոտքի վրա և լուրջ վնասվածք է հասցրել. տեղեկացնում է gazeta.ru-ն:
Միջադեպը տեղի է ունեցել 2014թ.-ի ապրիլի 4-ին, երբ 36-ամյա բուժքույր էրին Քրոքերը վերադարձել է Թայլանդում հանգստից:
Թռիչքի ժամանակ ինքնաթիռն ընկել է ուժգին մրրկայնության գոտի, ինչի պատճառով կինն ընկել է հատակին, իսկ ուղեկցորդուհին էլ, չկարողանալով պահել հավասարակշռությունը, սեղմել է նրա ոտքն ու վնասվածք հասցրել: Տուժածը վիրահատության է ենթարկվել:
Տուժածը բազմաթիվ վնասվածքներ է ստացել, ինչի հետևանքով մի քանի շաբաթ աշխատանքի չի գնացել:
«Քրոքերը վնասի փոխհատուցում է պահանջել պատճառված ցավի, տառապանքի, կյանքից հաճույք չստանալու, բժշկական ծախսերի ու չստացված եկամուտի համար»,- ասված է հաղորդագրության մեջ:










