Ինդոնեզական իշխանությունները բացառել են վթարված օդանավի կործանումը ահաբեկչության պատճառով
Ինդոնեզացի քննիչները տեղեկացրել են, որ որևէ ապացույց չեն գտել, որ 162 մարդ տեղափոխող AirAsia-ի օդանավի` անցյալ ամիս վթարման պատճառը կապ ունի ահաբեկչության հետ:
Ինչպես հաղորդում է Daily Mail-ը` Տրանսպորտի անվտանգության ազգային հանձնաժողովի ղեկավար Անդրեաս Հանանտոյի խոսքով` 10 հետազոտող-քննիչներից բաղկացած նրա թիմը որևէ «սպառնալիք» չի հայտնաբերել օդաչուի խցիկում արված ձայնագրություններում, որոնք կմատնանշեին ահաբեկչության մասին QZ8501 չվերթի ժամանակ:
Հիշեցնենք, որ Airbus A320-200 օդանավը ռադարների տեսադաշտից անհետացել էր դեկտեմբերի 28-ին` Ինդոնեզիայի երկրորդ խոշորագույն Սուրաբայ քաղաքից Սինգապուր 4-ժամյա թռիչքի կես ճանապարհին:
Որոշ ժամանակ անց օդանավի երկու «սև արկղը» հայտնաբերվել էին Ճավա ծովի հատակին: Ինդոնեզիայի իշխանությունների կարծիքով` վթարի ամենահավանական պատճառը եղանակային պայմաններն էին:














