Սևանա լճի մակարդակը նախորդ տարվա հունվարի 19-ի համեմատ ցածր է մեկ սանտիմետրով

16:00 • 20.01.15

Սևանա լճի մակարդակը նախորդ տարվա հունվարի 19-ի համեմատ ցածր է մնում մեկ սանտիմետրով:


«Արմենպրես»-ին Գավառի «Օրհուս» բնապահպանական-տեղեկատվական կենտրոնի համակարգող Լիանա Ասոյանը ասել է, այս տարվա հունվարի 19-ի դրությամբ Սևանա լիճը ծովի մակարդակից գտնվում է 1900 մետր 14 սանտիմետր բարձրության վրա:


Նախորդ տարվա նույն օրն այն գտնվել է ծովի մակարդակից 1900 մետր 15 սանտիմետր բարձրության վրա:


Սևան թափվող գետերը դեռևս գտնվում են սակավաջուր հոսքի մեջ, այնպես որ լճի մակարդակի բարձրացում կամ դրական հաշվեկշռի ընթացք կարելի է ակնկալել միայն գարնան ամիսներին: