Շաքիլ Օ'Նիլը ոստիկան է դարձել
Ամերիկացի նախկին պրոֆեսիոնալ բասկետբոլիստ Շաքիլ Ռաշոն Օ'Նիլն ԱՄՆ-ի Ֆլորիդա նահանգի ոստիկանության պահեստազորի սպա է դարձել, գրում է lenta.ru-ն՝ Associated Press-ին հղումով։
Մարզիկն աշխատավարձ չի ստանալու և չի օգտվելու սոցիալական նպաստներից։ Նրա հիմնական խնդիրն է սոցիալական գործունեություն ծավալելը, մասնավորապես՝ բասկետբոլիստն օրինակ կծառայի երեխաների համար։
Ոստիկանության շարքերը համալրելու հարցով մարզիկը դիմել էր դեռ անցյալ տարվա սեպտեմբերին։
Սպա դառնալու համար 42-ամյա ամերիկացուն անհրաժեշտ է եղել նաև մի շարք ֆիզիկական և հոգեբանական թեստեր անցնել։
Նշվում է, որ 2005-ին Օ'նիլն օգնել էր Մայամիի ոստիկանությանն իրավախախտին ձերբակալել։










