Գյումրու ռուսական ռազմաբազայում Սերյոժա Ավետիսյանի համար հոգեհանգստյան կարգ է մատուցվել

15:07 • 21.01.15

Հայաստանում Հարավային ռազմական շրջանի ռուսական ռազմաբազայի տարածքում գտնվող Սուրբ նահատակ Ալեքսանդրա թագուհու եկեղեցում հունվարի 20-ին հոգեհանգստի արարողություն է տեղի ունեցել` ի հիշատակ Գյումրիում դաժանորեն սպանված Ավետիսյանների ընտանիքի զավակ վեց ամսական Սերյոժայի:


Ինչպես հաղորդում է «Արմենպրես»-ը, այս մասին տեղեկացում է Հայաստանում ՌԴ դեսպանության մամուլի քարտուղար Ալեքսանդրա Կենդիշը:


Հոգեհանգստյան կարգը մատուցել է հավատացյալ զինվորների հետ աշխատանքի գծով ռուսական ռազմակայանի հրամանատարի օգնական վանահայր Անդրեյը (Վաց): Նա ներկաներին կոչ է արել աղոթել սպանված ընտանիքի անդամների հոգու հանգստության համար:


Հոգեհանգստի արարողության ավարտին դրա ավելի քան հազար մասնակիցները համբուրել են սրբապատկերները և խաղաղություն ու հանգստություն խնդրել, ինչից հետո օծվել են սուրբ ձիթայուղով: