Անգլիայում հնարավոր է բոլոր ընկերությունների ծխախոտները վաճառվեն միատեսակ տուփերով

11:30 • 22.01.15

Մեծ Բրիտանիայի կառավարությունն օրենք կներկայացնի ծխախոտային փաթեթավորումը միատեսակ դարձնելու մասին, որի ընդունման դեպքում Անգլիայում բոլոր ընկերությունների ծխախոտները կվաճառվեն միատեսակ տուփերով՝ ծխելու վտանգի մասին նախազգուշացնող պատկերներով և գրություններով, գրում է BBC-ի ռուսական ծառայությունը:

 

Եթե խորհրդարանը հասցնի ընդունել օրենքը մինչ մայիսի ընտրությունները, այն ուժի մեջ կմտնի 2016 թվականին:

 

Ծխախոտի դեմ պայքարի առաջամարտիկները ողջունել են կառավարության այդ նախաձեռնությունը:

 

Պաշտոնական տվյալներով՝ միայն Անգլիայում առնվազն 80 հազար մարդ ամեն տարի մահանում է ծխելու հետևանքով: