Մոսկվայում կանխվել է «օրենքով գողերի» հավաքը
Մոսկվայի կենտրոնում ոստիկանությունը կանխել է «օրենքով գողերի» հավաքի անցկացումը: Այս մասին հայտնում է «Գազետան»՝ վկայակոչելով ներքին գործերի նախարարության հայտարարությունը:
Ըստ ՆԳՆ-ի՝ Մոսկվայի կենտրոնի գրասենյակային տարածքներից մեկում ձերբակալվել է 15 հոգի, որոնցից հինգը քրեական-հանցավոր միջավայրի ներկայացուցիչներ են՝ Ցիրկաչ, Զաբավա, Տյուրիկ, Վոսկրես և Տեկո մականուններով:
Բոլոր ձերբակալվածները ոստիկանության բաժնում են, իրավապահ մարմինների աշխատակիցները ստուգում են անցկացնում:










