Ֆրանսիան քաղաքացիությունից զրկել է ահաբեկչության մեղավորին
Ֆրանսիայի սահմանադրական խորհուրդը՝ երկրի սահմանադրական բարձրագույն մարմինը, հաստատել է կառավարության որոշումը՝ զրկել ֆրանսիական քաղաքացիությունից Ահմեդ Սանունիին, ով 2013 թվականին մեղավոր էր ճանաչվել ահաբեկչության համար, հաղորդում է BBC-ի ռուսական ծառայությունը:
Ծագումով մարոկկացի Սանունին Ֆրանսիայի քաղաքացիություն է ստացել 2003 թվականին:
Ֆրանսիական օրենքը թույլ է տալիս իշխանություններին քաղաքացիությունից զրկել ահաբեկչության համար դատապարտված անձանց, եթե նրանց մոտ պահպանվել է այլ երկրի քաղաքացիություն:
Սահմանադրական խորհուրդը որոշել է, որ այդ օրենքը չի խախտում քաղաքացիների իրավահավասարության սկզբունքը:
Այժմ Սանունին կարտաքսվի Մարոկկո:










