ՌԴ պետդուման վավերացրել է Աբխազիայի հետ ռազմավարական գործընկերության մասին համաձայնագիրը

13:34 • 23.01.15

Ռուսաստանի Դաշնության պետդուման վավերացրել է Աբխազիայի հետ ռազմավարական գործընկերության մասին պայմանագիրը, տեղեկացնում է РИА Новости գործակալությունը:

 

Ռուսաստանի նախագահ Վլադիմիր Պուտինն ու Աբխազիայի ղեկավար Ռաուլ Հաջիմբան նոյեմբերի 24-ին դաշնակցության ու ռազմավարական գործակցության մասին պայմանագիր էին ստորագրել:

 

Այդ փաստաթուղթը նախատեսում է պաշտպանության և անվտանգության ընդհանուր տարածքի ստեղծում, այդ թվում՝ երկու երկրների զորքերից միասնական խմբավորումների ստեղծում: Պայմանագրով երաշխավորվում է նաև սոցիալական չափանիշների բարձրացում:

 

Աբխազիայի խորհրդարանը պայմանագիրը վավերացրել էր 2014թ.-ի դեկտեմբերի վերջին: